Farewell NITIE

Posted on by

Jaane k pal kitne kareeb aa gaye hai

Mazaak mazaak me college k aakhiri pal aa gaye hai ..

 

Kaashi se hoti thi humaari subah .. Shree Krishna k sharan me dhalti thi shaam

Raat bhar khelte th Mafia .. Aur din me class me karte th araam ..

 

Ek chhoti si proxy maarne waala bhi ban jaata th bhai

Fir birthday pe maar maar kar usey dete th badhaai ..

 

Class k AC se achchi pond ki dhoop laga karti thi

Yaaro k saath ghanto wahaan pe bakar chala karti thi ..

 

Aese to har kadam pe pareshaaniyaan rok leti thi

Par shaam ko thodi si dawaa hume Socrates bana deti thi ..

 

Dropbox me pada ek assignment sabki naiyya paar lagaata tha

Aur exams me youtube aur facebook pe hi saara dhyaan jaata tha ..

 

Bhole Baba ki pooja aur sai baba ka prasad

Chhoti chhoti cheezo me zindagi dhundna seekh gaye hum ..

 

Subah roomie ko sota dekh low attendance k bawjood class bunk karne ka confidence aana

Aur dosto se udhaar le kar har hafte trips pe jaana ..

 

Dusro ki parties me to jaise sirf bill badhaane jaana

Aur apni baari aane pe sirf chhupte nazar aana ..

 

Jokes se jyaada dost ki khi khi waali hasi pe has has k paagal ho jaana

Aur ek bakwaas si movie ka koi dialogue hafto tak dohraana ..

 

Raat me hone waali dosto se ladaaiyo ko subah tak bhul jaana

College ko gaali bhi dena aur uspe jaan bhi lutaana ..

 

Wo PPO road ki kahaaniyaan aur leopard ko dekhne ka sapna

Lift kharaab hone pe gusse me seedhiyaan chadhna ..

 

Monte Carlo road aur MDP ki chhat se naata sa ban gaya hai

Aur 96 steps to maano zindagi ka hi hissa ban gaya hai ..

 

Aane se pehle suna tha MBA me log dosti tak professionally nibhaayenge

Kya pata tha yahaan aa k chand dost zindagi se badh k ho jaayenge ..

 

“Tune kitna padh liya mujhe bhi thoda padha de plz” ka daur bas khatam hone ko hai

Jinke saath ghanto baith kar haste th unse ji bhar k baat karne bh mushkil hone ko hai ..

 

Salary slip dekh k attendance register aankho k saamne aayega

Aur dosto roz jab formals me office jaana padega to sach me ye blue jeans aur NITIE T Shirt bht yaad aayega ..

 

Jaane k pal kitne kareeb aa gaye hai

Mazaak mazaak me college k aakhiri pal aa gaye hai ..